前晚同意佬一齊同奶奶傾電話，我連噓寒問暖嘅環節都skip埋，單刀直入，問佢：
🙎🏻♀「奶奶，平日同你coffee time嘅姨媽姑嗲有冇咳？」
👵🏼「冇喎。」
🙎🏻♀「孫女幼稚園放學返嚟有冇即刻帶佢去洗手？」
👵🏼「梗係有啦！」
🙎🏻♀「有冇聽我哋講，早啲瞓，去親照顧你啲豬牛雞有冇著多件衫免得凍親？」
👵🏼「都話有咯…」
🤷🏻♀「星期日有冇一大班人一齊去教堂？」
👵🏼「咪好似平時咁成村人去囉…」
🙎🏻♀「奶奶，你要小心啲呢～你哋屎唔戴口罩，你冇事啫我唔想人哋嘢到你，你不如坐最後一行啦，橫掂神父都用咪。」
👵🏼「hey呀，生死有命，邊理得咁多吖？」
🙍🏻♀「奶奶！Non è così !(說話就唔係咁講喎!)不如唔好去一排啦！」(沿用糕糕class老師上網追同學交功課嘅語氣😡)
太激動，一時忘記咗，奶奶係風雨不改，天災人禍，連個天要跌落嚟都阻擋唔到佢去彌撒嘅誠心。
👵🏼 ...🐣...🐥...🤐 一片肅靜......
🤦🏻♀ ......知奶嘢
🤷🏻♀「奶奶，我意思呢，萬一你病咗，你就湊唔到孫女。仲有呀，我哋下次返嚟，你又冇精神煮意粉俾我哋食，咁就大件事嘞！」
👵🏼「又關煮意粉事？🤔」(有可疑mode)
💁🏻♀「梗係啦！你親手搓嘅麵條 Fettuccine 同埋外脆內軟嘅Lasagna, 我哋等到頸都長埋啦！」
👵🏼「哦，咁又係啊～呵呵呵！得啦你同我定啦，總之我會多加注意嫁喇，你哋返嚟一定有好西食😉」(沾沾自喜mode)
意佬拍一拍我大脾，我鬆一口氣😪😓
呢兩日意大利突然新增到有100個確診個案，仲有兩位意大利伯伯死咗。而最荒謬嘅係喺出現位於米蘭嘅 Lombardia 社區爆發人傳人之前，醫院主診醫生居然話呢個肺炎人傳人機會好微，一般人冇病就唔需要戴口罩！其實意大利嘅衞生防護意識都幾差，又冇人戴罩，個個見親面都錫嚟錫去咁。所以明明原本冇嘢嘅人都好大機會奶嘢啦！即日開始，意大利已宣布米蘭有最少10個城鎮即時封閉。
未經驗過沙士之痛，加上意大利人仍然未meet甩嗰套舊思想，覺得有病嘅人先需要戴口罩。
唉～奶奶，你咪怪我呢個港燦新抱啦～我都係緊張你哋，唔想你哋有事咋 😔
我想繼續見到你企喺廚房好努力咁搓麵粉個滿足樣 ，想聽到你繼續好有忠氣咁鬧啲喵喵成日走去洗手盆偷餸食😓
*另外：意大利成為全歐洲第一個國家因COVID-19出現本土死亡個案。仲未追蹤哂，新增個案唔知幾多宗！好恐怖！
Source : euronews
#武肺唔講得笑
#求吓你哋戴返口罩啦
#婆媳糾紛
#有時真係唔小心踩親對方條尾
#唉
#LombardyIsLocked
Search